4 Awst 2008

Cofnodion o gyfarfod y Cyngor gynhaliwyd Nos Iau 17.07.08

Yn y Ganolfan, Bontnewydd am 7:15 yr hwyr.

Presennol :- Cynghorwyr Dafydd Iwan (Cadeirio) Geraint Jones, Hilma Lloyd Edwards, T Cyril Owen, Ifor Dylan Williams, Marian Roberts, Bethan Bigwood, Erddyn Davies,  Cynghorydd Sir Chris Hughes a Mrs Catrin Roberts, Clerc Cyngor Cymuned Bontnewydd.

Bu i Cyng Dayfdd Iwan croesawu pawb i’r cyfarfod.

1. Datgan Diddordeb/buddiant personol. – Cyng Geraint Jones – eitem 6 f).

2. Ymddiheuriadau – Cyng Emyr Williams a Rhys Alun Pugh.

3. Cadarnhau Cofnodion y cyfarfod Diwethaf  - derbyn fel rhai cywir

4. Ethol Is-Gadeirydd – Bu i Erddyn Davies ei ethol a chytuno i fod yn Is-Gadeirydd.

5. Materion yn codi
1. Cynllun Datblygu Unedol – Derbyniwyd llythyr gan Rheolwr Polisi a Perfformiad (Cynllunio a Thrafnidiaeth) ynglyn a’r Cynllun Unedol. Bu i’r clerc ddarllen y llythyr i’r aelodau yn bresennol. Dim gweithred pellach ar hyn o bryd.
2. Datblygiad ger Lon Cefnwerthyd, Bontnewydd – Derbyniwyd llythyr gan yr Swyddog Cynllunio Ardal Arfon yn nodi fod yr cais yn cael ei gyflwyno i  Bwyllgor Ardal Arfon er mwyn ei drafod a gwneud penderfyniad arno. Gweithred:- Clerc i wneud yn siwr fod gwrthwynebiad y Cyngor Cymuned wedi ei dderbyn gan yr Adran Cynllunio, Cyngor Gwynedd.

Mae’r Clerc wedi derbyn e-bost gan Cyfarwyddwr tir Watkin Jones yn rhoi cynnig i fynychu cyfarfod Cymuned er mwyn trafod y Llecyn Chware ar yr datblygiad uchod. Gweithred:- Clerc i ymateb gan wrthod yr cynnig hyd nes fod yr cais wedi ei drafod yn Bwyllgor Ardal Arfon.

3. Afon Beuno   - Derbyniwyd llythyr gan Peiriannydd Ardal Arfon dyddiedig 3 o Orffennaf 2008 yn nodi y bydd y gwaith yn cael ei gyflawni yn fuan. Bu i’r Cyng Sir C Hughes nodi ei fod hefyd wedi trafod y mater gyda’r Peiriannydd ar y safle. Nid oedd y Peiriannydd yn sicr pwy sy’n gyfrifol am y safle, Cyngor Gwynedd neu Asiantaeth yr Amgylchedd. Dim gweithred ar hyn o bryd.
4. Prydles Cyngor Gwynedd/Cyngor Cymuned – Y Ganolfan – Derbyniwyd gopi o’r brydles wedi ei arwyddo. Gweithred: Cynghorydd Geraint Jones am edrych drost yr brydles a chysylltu a Cyng Dafydd Iwan a Catrin Roberts gyda sylwadau.
5. Prydles i Clwb Pel Droed Ieunectid Bontnewydd  - angen diwygio’r cyfansoddiad. Gweithred:- Cyng Dafydd Iwan, Cyng Geraint Jones a Catrin Roberts i drefnu i ddiwygio’r cyfansoddiad ac wedyn chysylltu a’r Cyngor.
6. Palmentydd Glan Beuno – Derbyniwyd llythyr dyddiedig 20 o Fai 2008 gan y Peiriannydd Ardal Arfon yn nodi fod yr safle yn cael arolwg i ddarganfod os oes angen gwaith i’w wneud yn ddiogel. Bu i’r Cyng C Hughes nodi ei fod wedi cyfarfod ar y safle gyda’r Peiriannydd er mwyn trafod y mater. Dim gweithred pellach.
7. Cyflwr Lon Llanfaglan  - derbyniwyd llythyr dyddiedig 3 o Orffennaff 2008 gan Peiriannydd Ardal Arfon yn ein gwahodd i gyfarfod ar y safle i drafod y mater. Gweithred:- Cyng Ifor Williams i gysylltu a swyddog, Gyfadran yr Amgylchedd i wneud trefniadau i gyfarfod ar y safle.
8. Ciosg Llanfaglan – derbyniwyd ymateb gan Swyddog Polisis a Perfformaid (Cynllunio a Thrafnidiaeth) yn nodi ei bod wedi anfon ein llythyr gyda’r ymholiadau ymlaen i BT am sylwadau. Gweithred:- Clerc i rhoi’r mater ar rhaglen yr cyfarfod nesaf.
9. Safle Lon Groes – Clerc wedi cysylltu a Swyddog y Cyngor yn nodi fod y mater wedi ei ddatrys. Dim gweithred pellach.
10. Lon Feics – Lon Eifion/Lon Glas Gwyrfai – heb dderbyn ymateb eto gan y Swyddog Beicio. Gweithred:- Clerc i ddilyn y mater i fyny.
11. Ymddygiad Gwrth Gymdeithasol ym Montnewydd  - Clerc wedi gohebu a siarad gyda PC Tongue ynglyn a’r mater. Ers y drafodaeth mae holiadur wedi ei ddosbarthu i trigolion ym Montnewydd. Dim gweithred ar hyn o bryd.
12. Ty Glan Menai Llanfaglan – Derbyniwyd llythyr gan Swyddog Cynllunio Ardal Arfon dyddiedig 25 o Fehefin 2008 yn nodi fod y safle wedi dilyn y rheolau perthnasol. Dim gweithred pellach.
13. Coeden yn gor-dyfu 14 Rhes Beuno, Bontnewydd - Derbyniwyd llythyr  dyddiedig 7.7.08 gan yr Uwch Swyddog Stadau yn nodi fydd yr coeden yn cael ei drimio cyn gynted a bydd y tymor blodeuo drosodd tua mis Awst. Dim gweithred pellach.
14. Dogfen drafod Gwynedd ar y Cyd 2008-12 – Cynghorydd Geraint Jones wedi mynd drwy’r ddogfen. Wedi trafod sylwadau gyda’r aelodau yn bresennol a phawb yn cytuno. Gweithred: Cyng Geraint Jones i rhoi sylwadau ar y ddogfen.
15. Ein Cynllun ni, Eich Cynllun Chdi  -dim sylwadau

6. Ceisiadau Cynllunio

Dim ceisidau wedi ei dderbyn

7. Archwiliad Blynyddol Cyngor Cymuned Bontnewydd- Hacker Young  - Llythyr wedi ei dderbyn mis Gorffennaf ynglyn a’r archwiliad blynyddol. Gweithred :- Clerc i wneud y trefniadau priodol a chysylltu a’r swyddfa bost i ofyn a fyddai’n bosib rhoi nodyn i fyny yn y swyddfa bost ynglyn ar archwiliad.

8. Gohebiaeth wedi ei dderbyn
1. Cyngor Gwynedd – Cyfadran yr Amgylchedd –Rhaglen Man welliannau – Encilfan Newydd, Bontnewydd – Gweithred:- Clerc i ohebu i ddiolch am y gwaith ac i hysbybu fod yr man yn cael ei ddefnyddio ar gyfer gwerthu ceir.
2. Cynulliad  - Adolygiad o’r tefniadau Etholiadol  - Dim gweithred pellach.
3. Bwrdd Iechyd Lleol – Cyflanwi’r Weledigaeth Gyda’n Gilydd – Strategaeth Iechyd, Gofal Cymdeithasol a Lles newydd Gwynedd – Er gwybodaeth yn unig.
4. Un Llais Cymru – Rhaglen Hyfforddiant Genedlaethol – Gweithred:- Clerc i ymateb gan nodi’r niferoedd sydd a diddordeb.
5. Cynulliad – Cynllun Partneriaeth Llywodraeth Leol 2008 ac adroddiad Cynllun Partneriaeth Llywodraeth Lleol  2006/07 – Er Gwybodaeth yn unig.
6. Ombudsman – Taflenni/ffurflenni Dwiygiedig: Sut i gwyno bod aelod o awdurdod lleol wedo torri’r cod ymddygiad. – Gweithred –aelodau’r Cyngor Cymuned i gymeryd copi o’r llyfryn.

9. Cod Ymddygiad  (Geraint Jones)  - Cyng Geriant Jones yn nodi ei fod wedi mynychu’r hyfforddiant ar y Cod Ymddygiad a cynnigwyd i rhannu’r gwybodaeth yn ein cyfarfod mis Hydref 2008. Fydd angen oddeutu 15/20 mun i fynd drwy cynnwys yr hyfforddaint yn fras. Rhaid i’r Cyngor fabwysiadu’r cod. Ni allem dynnu dim ohonno ond gallem adio iddo. Rhaid rhoi copi ohonno mewn man cyhoeddus.Gweithred:- Aelodau yn mabwysiadu’r Cod. Clerc i anfon copi i’r Ombwdsman a rhoi copi mewn man cyhoeddus. Roedd yr aelodau yn croesawu Cyng Geraint Jones i wneud cyflwyniad ar y Cod Ymddygiad i’r aelodau yn ein cyfarfod mis Hydref. Clerc i nodi fel eitem ar gyfer y rhaglen mis Hydref 2008.

10. Materion Hwyr

1. Llythyr gan trigolion Llwyn Beuno yn nodi ymddygiad gwrth gymdeithasol yn cae chware yn Llwyn Beuno. Gweithred:- Clerc i lythyr gan nodi derbyn yr sylwadau a rhoi chopi o’r llythyr i PC Tongue.
2. Sedd Wag – mae yna un sedd wag yn y Cyngor Cymuned. Unrhyw un sydd a diddordeb i gysylltu a’r clerc.
3. Copi o llythyr Tai fforddiaddwy gan Alun Ffred Jones  - Gweithred:- Cyng Dafydd Iwan i rhoi sylwadau.
4. Cist Gwynedd – llyfryn Cist Gwynedd – er gwybodaeth yn unig,

6. Materion Eithredig

Dim materion yn codi.

7. Dyddiad Cyfarfod Nesaf - Nos Iau 18 o Fedi 2008 am 7:15 yr hwyr yn Y Ganolfan, Bontnewydd. Fydd Hywel Williams AS yn bresennol yn y cyfarfod ym mis Medi 2008.