THEATR BARA CAWS yn cyflwyno Y GOBAITH A’R ANGOR gan Dylan Rees (AR DAITH  26 o FAWRTH – 19 o EBRILL)

Gosodir drama nesaf Bara Caws mewn tafarn mewn tref fach ddi-nod yn y gogledd.

Yn ‘Y Gobaith a’r Angor’ mae Dylan Rees, sy’n sgwennu i’r cwmni am y tro cyntaf, yn cyflwyno criw o gymeriadau trist a ffraegar wrth iddynt rygnu bod o ddydd i ddydd o dan gysgod anobaith a phwysau beunyddiol byw mewn byd sy’n gwegian.  Fel pysgod mewn powlen ‘dydyn nhw ddim yn ymwybodol eu bod yn mynd o gwmpas mewn cylchoedd yn ail adrodd yr un straeon a’r un sefyllfaoedd nac yn gweld fod pob tro o gwmpas y bowlen yn dro agosach i’w gwaelod.  Mae’r ddeialog yn fyw ac yn tincial fel y gwydrau sy’n prysur wagio a phob un o’r cymeriadau yn chwilio am ateb gwahanol yn ewyn chwerw gweddillion eu breuddwydion.

Yn llawn hiwmortywyll, deialog sy’n diferu o fwg y snyg a phigiadau miniog y darts, mae’n addo noson yng nghwmni cymeriadau sy’n gyfarwydd i ni gyd, fydd yn aros yn hir yn y cof.

Yr actorion yw  Gwenno Elis Hodgkins, Dyfrig Wyn Evans,  John Glyn Owen,

Huw Llyr a Gwyn Vaughan a bydd Maldwyn John, sydd â chysylltiadau clos a’r cwmni ers blynyddoedd, yn cymryd y llyw fel cyfarwyddwr.  I fod yn sicr  o le yn y gynulleidfa gwnewch yn siwr eich bod ar ein rhestr bostio i dderbyn gwybodaeth drwy’r post drwy gysylltu â Linda Brown 01286 676335 neu tbaracaws@btconnect.com    *Defnyddir iaith gref